ප්‍රාදේශීය ලේකම් කාර්යාලය - වැල්ලවාය

01. කොරෝනා වෛරසය පිළිබඳ දැනුවත් කිරීමේ වැඩසටහනට සමගාමීව අත්පත්‍රිකා බෙදා දී ජනතාව දැනුවත් කිරීම 2020.03.13 දින ආරම්භ කරන ලදී. මේ සඳහා ප්‍රාදේශීය ලේකම් කාර්යාලය,  වැල්ලවාය පොලීසිය, ආයුර්වේද ප්‍රජා  වෛද්‍ය නිලධාරීන් සහ ශත සංවත්සර සිංහ සමාජයේ සාමාජිකයින් සහභාගිවිණි.

 02. කොරෝනා වෛරසය පිළිබඳ දැනුවත් කිරීමේ වැඩසටහනට සමගාමීව නගරයේ වෙළඳසැල් සතු දර්ශන තිර හරහා කොරෝනා වෛරසය පිළිබඳ සහ එයින් ආරක්ෂාවීමට උපදෙස් සහිත වීඩියෝ දර්ශන මහජනතාව වෙත නැරඹීමට 2020.03.19 දින සිට අවස්ථාව සලසා දෙන ලදී.

 03. මහජනතාවට ඇතිවන ගැටළු සඳහා විසඳුම් ලබා දීමට අප කාර්යාලය මඟින් ඊ-සේවාවක් ආරම්භ කරන ලදී. 

* Google Form Link

ලින්ක් එක මෙතනින්

* Telephone
        055 2274839 / 055 2274938

* e-mail
        This email address is being protected from spambots. You need JavaScript enabled to view it.

* Facebook/Messenger
        www.facebook.com/dswellawaya

* WhatsApp / Viber / imo
        071 1119126

04. 2020.03.17 දින සිට කාර්යාලය වෙත පැමිණෙන සියළු දෙනා හොඳින් දෑත් සෝදා පැමිණීමට අවශ්‍ය පහසුකම් සලසා දීම.

 05. ප්‍රාදේශීය කොරෝනා මර්දන කමිටුව 2020.03.17 දින රැස්ව ඉදිරි වැඩකටයුතු පිළිබඳ සාකච්ඡා කරන ලදි.

 06. අඩු ආදායම්ලාභී පවුල් සඳහා අත්‍යාවශ්‍ය බඩු මලු ලබා දීම.

07. වැඩිහිටි ආධාර සහ සමෘද්ධි ආධාර ග්‍රාම නිලධාරීන් සහ බලලත් නිලධාරීන් මඟින් ග්‍රම නිලධාරී වසම් මට්ටමින් බෙදා දීම

08. අප ප්‍රාදේශීය ලේකම් කොට්ඨාසයේ ග්‍රාම නිලධාරී වසම් වලට ජංගම වෙළඳ රථ යොදවා අත්‍යාවශ්‍ය භාණ්ඩ හා ආහාර ද්‍රව්‍ය ලබාදීම. මෙය ලංකා සතොස ආයතනය, ප්‍රාදේශීය සභාව - වැල්ලවාය සහ ප්‍රාදේශීය ලේකම් කාර්යාලය ඇතුළු ප්‍රාදේශීය කොරෝනා මර්දන කමිටුව එක්ව සංවිධානය කෙරිණි. ඒ සඳහා පූර්ව ප්‍රචාරක රථ මඟින් සහ අපගේ  ෆේස්බුක් පිටුව හරහා ප්‍රචාරය ලබාදුණි.

09. කොරෝනා වසංගත සමයේ ජනතාව වෙත සහන සැලසීම සඳහා කාර්යාලයේ නිලධාරීන් තොරා පත් කර ඒ සඳහා විෂයයන් වෙන් කර පැය 24 පුරා කාර්යාලයේ සේවා සැලසීම.

10. අනෙකුත් නිලධාරීන් ඒ ඒ ග්‍රාම නිලධාරී වසම් වලට සහන සේවා සැපයීම සඳහා අනියුක්ත කිරීම. (ඒ සඳහා දැනුවත් කිරීමේ රැස්වීම)

11. අත්‍යවශ්‍ය මහජන අවශ්‍යතා පවත්වාගෙන යාම, භාණ්ඩ හා ඖෂධ ප්‍රවාහනයේ දී ඇතිවන ගැටළු හා අර්බුධකාරී තත්ත්වයන් විසඳා ගැනීම සහ ඇඳිරි නීතී තත්ත්වයන් තුළ සියලු රාජ්‍ය ආයතන සහ පොලීසිය සම්බන්ධීකරණය කිරීම සඳහා කාර්ය සාධන කමිටු ස්ථාපිත කිරීම 2020-04-04  දින සිදු කෙරිණි.

කොරෝනා  වෛරසයට එරෙහි සටනේ අපේ දායකත්වයෙන් කෙටි සටහනක්... 

අප සේවාව අඛණ්ඩව තව තවත් ඉදිරියට.

COVID-19 තත්ත්ව වාර්තාව - වැල්ලවාය ප්‍රාදේශීය ලේකම් කොට්ඨාසය

යාවත්කාලීන කිරීම :  2021-09-10 දිනට

1916	406	1500	10	207	121	7422
තහවුරු කරනලද රෝගීන් සංඛ්‍යාව	ප්‍රතිකාර ලබන රෝගීන් සංඛ්‍යාව	සුවය ලැබූ රෝගීන් (තහවුරු කරන ලද රෝගීන් ගෙන්)	කොවිඩ්-19 ආසාදිත මරණ සංඛ්‍යාව	අද දිනට නිරෝධායනය වන පුද්ගලයින් සංඛ්‍යාව	අද දිනට නිරෝධායනය වන පවුල් සංඛ්‍යාව	මෙතෙක් නිරෝධායනය සඳහා යොමු කළ මුළු පුද්ගලයින් සංඛ්‍යාව

• නිරෝධායන ඇඳිරිනීතිය තවත් සතියකින් දීර්ඝ කෙරේ. එනම් ලබන සැප්තැම්බර් 21 දින දක්වා දීර්ඝ කර ඇති බව රජය මගින් දැනුම්දෙයි. 
• 2021-08-20 දින රාත්‍රී 10 සිට 2021-08-30 දින අළුයම 04 තෙක් මුළු දිවයින පුරා නිරෝධායන ඇඳිරිනීතිය ක්‍රියාත්මකයි.
• වයස අවු 30ත් - 59ත් අතර පුද්ගලයින් සඳහා 2021-07-30 දින සිට කොවිඩ් ප්‍රතිශක්තිකරණ එන්නත් කිරීමේ වැඩසටහන් වැල්ලවාය කොට්ඨාසයේ දී පැවැත්වේ. (කාලසටහන බලන්න)
• වසය අවු 60ට වැඩි කොවිඩ් එන්නත්කරණ වැඩසටහනේ දෙවනවර එන්නත් කිරීමේ වැඩසටහන මේ දිනවල සිදු කෙරේ
• වැල්ලවාය කොට්ඨාසයේ කොවිඩ් එන්නත්කරණ වැඩසටහන සිදුවන දිනයන් හා ස්ථානයන් ඇතුළත් සටහනට මෙතනින්... (බලන්න)
• වැල්ලවාය කොට්ඨාසයේ ප්‍රථම කොවිඩ් එන්නත්කරණ වැඩසටහන 2021-06-10 දින සිට දින 03 ක් පුරා වැල්ලවාය, කොටිකම්බොක්ක, නුගයාය, වරුණගම සහ සුදුපානාවෙල යන ග්‍රාම නිලධාරි වසම් වල වයස අවු. 60 ට වැඩි පුද්ගලයින් සඳහා ක්‍රියාත්මක කෙරේ... 
• වැල්ලවාය නගර සීමාවට පනවා තිබූ හුදකලා කිරීම 2021-05-19 දින උදෑසන 9.00 සිට ඉවත් කිරීමට කටයුතු කර ඇති බව ප්‍රාදේශීය කොරෝනා මර්දන කමිටුව සඳහන් කරයි. මෙසේ වැල්ලවාය නගර සීමාව නැවත විවෘත වන්නේ දින 22කට පසුවයි. කෙසේ වෙතත් වැල්ලවායේ ඒ සමඟම මීට පෙර හුදකලා කරන ලද කොටිකම්බොක්ක සහ වෙහෙරයාය යන ග්‍රාම නිලධාරී වසම් තවදුරටත් හුදකලා තත්වයේ පවතින අතර, නිසි සෞඛ්‍යාරක්ෂිත ක්‍රමවේද සහ උපදෙස් අනුව රජය විසින් පනවා ඇති නීතිරීති වලට අනුව කටයුතු කරන මෙන් සෞඛ්‍ය අංශ පවසා සිටියි.
• වැල්ලවාය යාලබෝව යොවුන් සේනාංක පරිශ්‍රයේ දී අභිනවයෙන් ආරම්භ කරන ලද නව කොරෝනා ප්‍රතිකාර මධ්‍යස්ථානයේ ප්‍රතිකාර කටයුතු 2021-05-10 දින සිට සාර්ථකව මේ වන විට සෞඛ්‍ය අංශ, ආරක්ෂක අංශ සහ රාජ්‍ය අංශ වල පූර්ණ දායකත්වය සහ අධීක්ෂණය යටතේ සිදුවේ. නව කොරෝනා ප්‍රතිකාර මධ්‍යස්ථානය අමතන්න පහත දුරකථන අංක භාවිතා කරන්න.
  
  • MOH - 0553133360
  • Hospital - 0553133361
  • Army - 0553133362
  • Female - 0553133363
  • Male - 0553133364   

• 2021-05-13 දිනයේ තවත් ආසාදිතයින් 41 ක් හඳනාගෙන තිබේ. 
• අලුත් අවුරුදු සමයෙන් පසු 2021-05-06 දිනට හඳුනාගත් මුළු ආසාදිතයින් 194 ක් වේ. අවධානයෙන් සිටින්න... මෙහි ඔබේ පදිංචි වසමත් අවධානමක ද? ඔබේ සෞඛ්‍යාරාක්ෂාව සහ නීතිගරුක බව ඔබගේත් ඔබ සමීපතයින්ගේත් ජීවිත වල අවධානමට හේතු වන බව මතක තබාගන්න.
• අළුත් අවුරුදු සමය අවසන් වීමත් සමඟ කොරෝනා ආසාදිතයින්ගේ වැඩිවීමක් පෙන්නුම් කරයි. කරුණාකර නිසි සෞඛ්‍යාරක්ෂිත ක්‍රමවේද අනුගමනය කරන්න. 
• 2021.04.05 සහ 06 දිනයන් වල නව ආසාදිතයින් තිදෙනෙක් හඳුනා ගනියි. ඔවුන් පරගස්මංකඩ, ගම්පංගුව සහ සිරිපුරගම ප්‍රදේශවල පදිංචිකරුවන් බව වාර්තා වෙයි. 
• වැල්ලවාය කොට්ඨාසයේ කොවිඩ් ආසාදිත ප්‍රථම මරණය 2021.03.15 දින වාර්තා විය. එම පුද්ගලයා වැල්ලවාය, දිඹුලාමුරය, නෙටොලගම ප්‍රදේශයේ පදිංචිකරුවකු වන අතර වයස අවුරුදු 68 ක් වයසැති පිළිකා රෝගයකින් පෙළුනු අයෙකි.

විශේෂ බාගත කිරීම්

1. කොරෝනා වසංගත මර්දනය සඳහා ආයුර්වේද ශාස්ත්‍රානුකූල මාර්ගෝපදේශ සංග්‍රහය
2. කොවිඩ්-19 රෝගයෙන් මිදෙමු - පූර්ණ මඟපෙන්වීමක් (හිමිකම - ඇම්.ඩී.ගුණසේන පදනම)

 ශ්‍රී ලංකාවේ සමස්ථ කොවිඩ්-19 තත්ත්වය විමසන්න, පිවිසෙන්න...

දැන් ඔබට ඔබගේ නිවසේ සිටම ඔබට දැනගැනීමට අවශ්‍ය කරුණු සහ ගැටළු අපෙන් විමසන්න.

24x7 Emergency e-Services DS Wellwaya සේවාව දැන් ක්‍රියාත්මකයි !

Google Form, e-mail, Facebook/Messenger, WhatsApp, Viber, imo.

(ප්‍රාදේශීය ලේකම් කාර්යාලය වැල්ලවාය)

කරුණාකර පහත ක්‍රම හරහා අප හා සම්බන්ධ වන්න